മെഴുവേലി പഞ്ചായത്ത് യൂണിറ്റ്

പത്തനംതിട്ട ജില്ലയിലെ മെഴുവേലി പഞ്ചായത്തിലുള്ള യൂണിറ്റുകളുടെ ചരിത്രം

പരിഷത്തിൻ്റെ നാൾവഴികൾ

( മെഴുവേലി പഞ്ചായത്തുകളിലെ പരിഷത്ത് യൂണിറ്റുകളുടെ ചരിത്രം പരസ്പരം ഇടകലർന്നു കിടക്കുന്നതിനാൽ പഞ്ചായത്ത് അടിസ്ഥാനമാക്കിയാണ് ചരിത്രം തയ്യാറാക്കിയിരിക്കുന്നത് )

മെഴുവേലിയുടെ സാമൂഹിക സാംസ്കാരിക ചരിത്ര പശ്ചാത്തലം

പരിഷത്ത് യൂണിറ്റ് പ്രവർത്തിക്കുന്ന പ്രദേശത്തിൻ്റെ പ്രത്യേകതകൾ പരിഷത്തിൻ്റെ വളർച്ച പരിശോധിക്കുമ്പോൾ സ്വാധീന ഘടകങ്ങളാണ്. അതിനാൽ അത്തരം കാര്യങ്ങൾ ആദ്യം പരിശോധിക്കാം  പത്തനംതിട്ട ജില്ലയിലെ കുളനട ബ്ലോക്കിലാണ് 14.44 ചതുരശ്രകിലോമീറ്റർ വിസ്തീർണ്ണമുള്ള മെഴുവേലി ഗ്രാമപഞ്ചായത്തിലാണ് ഉള്ളന്നൂർ മെഴുവേലി യൂണിറ്റുകൾ പ്രവർത്തിക്കുന്നത്.

മെഴുവേലിയുടെ സാംസ്കാരിക വികസന ചരിത്രം

സരസകവി മൂലൂർ എസ് പത്മനാഭപ്പണിക്കരുമായി അഭേദ്യമായി ബന്ധപ്പെട്ടിരിക്കുന്നു. റോഡുകൾ, ചന്തകൾ, ആശുപത്രികൾ നെയ്ത്തു ശാലകൾ, അഞ്ചലാ ഫീസുകൾ, വിദ്യാലയങ്ങൾ എന്നിവ അദ്ദേഹം കഴിയുന്നിടത്തെല്ലാം സ്ഥാപിച്ചു. 14 വർഷക്കാലം പ്രജാ സഭാംഗമായിരുന്ന മൂലൂർ അധസ്ഥിഥിതരുടെ സാമൂഹ്യ പദവി ഉയർത്താൻ അക്ഷീണം പ്രവർത്തിച്ചു. കോട്ട ലഹളയുടെ നായകൻ ആലക്കോട്ട് കേശവൻ, ഗ്രാമോദ്ധാരണ ഐക്യസംഘ സ്ഥാപകൻ ചെറിയാൻ സ്കറിയ കത്തനാർ, ഇ കെ കുഞ്ഞുരാമൻ ( എക്സ് എം എൽ എ,) എന്നിവരൊക്കെ ആദ്യകാല സാമൂഹിക പ്രവർത്തകരാണ്. 1102 ൽ പ്രബുദ്ധ സിംഹളൻ എന്ന മാസിക ഈ നാട്ടിൽ നിന്നും പ്രസിദ്ധീകരിച്ചു. കൊവ 1093 ലെ നാടകക്കളരി, മൂലൂർ നേതൃത്വം നൽകിയ കഥകളിക്കളരി എന്നിവ സാംസ്കാരിക പാരമ്പര്യത്തിലെ തിളങ്ങുന്ന കണ്ണികളാണ് . ഇടതുപക്ഷ മുന്നണിയും ഐക്യ ജനാധിപത്യ മുന്നണിയും പഞ്ചായത്ത് ഭരണസാരഥ്യം വഹിച്ചിട്ടുണ്ട്. നേരിയ വ്യത്യാസമാണ് പലപ്പോഴും പ്രകടമാകുന്നത്. മെഴുവേലിയിൽ ഒരു അധ്യാപക പരിശീലന സ്ഥാപനമുള്ളതിനാൽ അധ്യാപന മേഖലയിലേക്ക് കൂടുതൽ പേരെ ആകർഷിക്കുന്നതിന് കഴിഞ്ഞിട്ടുണ്ട്. വർഗീയ സംഘർഷങ്ങളില്ല. പുരോഗമന മതേതര വീക്ഷണം പുലർത്തുന്നവരാണ് വലിയൊരു വിഭാഗം ജനങ്ങളും.ഇത് ശാസ്ത്രസാഹിത്യപരിഷത്തിന് അനുകൂലമണ്ണായി മാറി. പരിഷത്തിൻ്റെ പ്രവർത്തന ഇടത്തിൻ്റെ മറ്റു സവിശേഷതകൾ കൂടി പരിശോധിക്കാം.

മെഴുവേലി പഞ്ചായത്തിൻ്റെ അതിരുകൾ

• തെക്ക്‌ - കുളനട പഞ്ചായത്ത്
• വടക്ക് -മല്ലപ്പുഴശ്ശേരി, ആറന്മുള പഞ്ചായത്തുകൾ
• കിഴക്ക് - ചെന്നീർക്കര, ഇലന്തൂർ പഞ്ചായത്തുകൾ
• പടിഞ്ഞാറ് - മുളക്കുഴ പഞ്ചായത്ത് (ആലപ്പുഴ)
• ആലപ്പുഴ ജില്ലയുടെ ഭാഗമായിരുന്നു മെഴുവേലി. ആലപ്പുഴയുമായുള്ള ഈ ബന്ധം പരിഷത്തിനെ മെഴുവേലിയിൽ എത്തിക്കുന്നതിന് കാരണമായി.

മറ്റു അടിസ്ഥാനവിവരങ്ങൾ :

• 4060 കുടുംബങ്ങൾ
• ജനസംഖ്യ 16863
• 0 - 6 വയസുകാർ 7.69 % (1297)
• സ്ത്രീ പുരുഷ അനുപാതം 1153 (എന്നാൽ കുട്ടി പ്രായത്തിലുള്ളവരിൽ ഇത് 962 ആണ് )
• സാക്ഷരത :97.13%
• പട്ടികജാതി 3584
• പട്ടിക വർഗം 35 ( ഇത് ശരിയായ കണക്കാണോ എന്ന് പരിശോധിക്കേണ്ടതുണ്ട്)
• തൊഴിലെടുക്കുന്നവർ 6029 ( ഇവരിൽ വർഷത്തിൽ 6 മാസത്തിൽ താഴെ ജോലിയുള്ളവർ 1338

മെഴുവേലിയുടെ ഭൂപ്രകൃതി

അക്ഷാംശം വടക്ക് 9° 15' നും 9° 18 ' നും രേഖാംശം 76‌° 40' നും 76° 43' നും ഇടയിൽ സ്ഥിതി ചെയ്യുന്ന മെഴുവേലിയുടെ 12.88% ഉയർന്ന പ്രദേശങ്ങളാണ് ( സമുദ്രനിരപ്പിൽ നിന്നും 60_ 100 മീറ്റർ വരെ ഉയരം. 59. 56% ചരിവ് പ്രദേശങ്ങളും 27.56% താഴ്വാവാരങ്ങളുമാണ്.

കാലാവസ്ഥ:

ശരാശരി 27938 മിമി മഴ വർഷത്തിൽ ലഭിക്കുന്നു.19°C ക്കും 37°C ക്കും ഇടയിലാണ് താപനില.വെള്ളപ്പൊക്കം ,കൊടുങ്കാറ്റ്, മണ്ണിടിച്ചിൽ തുടങ്ങിയ പ്രകൃതിക്ഷോഭങ്ങൾ മെഴുവേലിയെ സാരമായി ബാധിക്കുന്നില്ല.

2 പരിഷത്തിൻ്റെ പിറവി:

മെഴുവേലി പഞ്ചായത്തിലെ ആദ്യ യൂണിറ്റ് ആരംഭിച്ചത് ഉള്ളളന്നൂരിലാണ് . പി എ നടരാജൻ, പി എസ് ജയചന്ദ്രൻ എന്നിവരായിരുന്നു ആദ്യ കാല ഭാരവാഹികൾ (പ്രസിഡൻ്റും സെക്രട്ടറിയും) 1983 ലാണ് ഉള്ളന്നൂർ യൂണിറ്റ് രൂപീകരിച്ചത് എന്ന് ആദ്യകാല പ്രവർത്തകനായ പി എസ് ജയചന്ദ്രൻ പറയുന്നു. അദ്ദേഹം ആലപ്പുഴ ജില്ലയിൽ വെച്ചാണ് പരിഷത് പ്രവർത്തനത്തോട് അടുക്കുന്നത്. പന്തളം തോട്ടക്കോണത്തേക്ക് സ്ഥലംമാറ്റം ലഭിച്ചു വന്നപ്പോൾ പന്തളം കോളജ് കേന്ദ്രീകരിച്ചു പ്രവർത്തിച്ച യൂണിറ്റിൽ 1976ൽ അംഗത്വമെടുത്തു. ചുനക്കര ജനാർദ്ദനൻ നായരുടെ പിന്തുണയും ലഭിച്ചു. തുടർന്ന് ഉള്ളന്നൂരിൽ യൂണിറ്റ് രൂപീകരിക്കുന്നതിന് മുൻകൈയെടുത്തു.ഉള്ളന്നൂരിൽ ഗ്രാമ ശാസ്ത്രസമിതി രൂപീകരിച്ച് കിടനാശിനി അടിക്കുന്ന തൊഴിലാളികൾക്ക് ബോധവത്കരണം നടത്തിയിരുന്നു. കാൻ ഫെഡുമായി സഹകരിച്ച് അതിന് മുമ്പ് സാക്ഷരതാ പ്രവർത്തനം നടത്തിയ അനുഭവവും ഇവർക്കുണ്ടായിരുന്നു. 1984ൽ മെഴുവേലി യൂണിറ്റ് നിലവിൽ വന്നു.

മെഴുവേലിയിൽ സംസ്ഥാന പ്രവർത്തക ക്യാമ്പ്

പരിഷത്ത് സംഘടന മെഴുവേലിയിൽ ശക്തമാകുന്നത് ഈ ക്യാമ്പോടെയാണ്. പി എസ് ജയചന്ദ്രൻ ഒരു മാസം ലീവെടുത്താണ് ക്യാമ്പിന് വേണ്ടി പ്രവർത്തിച്ചത്. കൊടക്കാട് ശ്രീധരൻ ഒരു മാസത്തോളം മെഴുവേലിയിൽ ക്യാമ്പ് സംഘാടനത്തിനുണ്ടായിരുന്നു. ഈ ക്യാമ്പോടെയാണ് കെ ആർ സുശീല ടീച്ചർ , പി കെ നടേശൻ, സുമംഗലി ടീച്ചർ, വി എസ് ബിന്ദുകുമാർ ,പി വി.ദേവരാജൻ തുടങ്ങിയവർ പരിഷത്തിലെത്തിയത്. സ്വാഗത സംഘം ചെയർമാൻ: പി വി മുരളീധരൻ. ജനറൽ കൺവീനർ : പി എസ് ജയചന്ദ്രൻ. ധർമരാജൻ, പി ആർ ശ്രീകുമാർ എന്നിവരായിരുന്നു യഥാക്രമം മെഴുവേലി ,ഉള്ളന്നൂർ യൂണിറ്റ് സെക്രട്ടറിമാർ. സംസ്ഥാന പ്രവർത്തക ക്യാമ്പ് ഉദ്ഘാടനം അന്നത്തെ ഹൈക്കോടതി ജഡ്ജി ജസ്റ്റീസ് കെ.സുകുമാരൻ. "1985 സെപ്തംബർ 19,20,21,22 തിയ്യതികളിൽ നടന്ന ക്യാമ്പിൽ പ്രവർത്തന പരിപാടികളോടൊപ്പം ബഹുരാഷ്ട്ര കുത്തകകളും ഇന്ത്യൻ സമ്പദ് വ്യവസ്ഥയും, ശാസ്ത്രരംഗത്തെ അശാസ്ത്രീയ പ്രവണതകൾ എന്നീ വിഷയങ്ങളും ചർച്ച ചെയ്യപ്പെട്ടു." (അവലംബം :പരിഷത്ത് വിക്കി) സംസ്ഥാന പ്രസിഡൻ്റ് ബി ഇക്ബാൽ ,ജില്ലാ പ്രസിഡൻറ്എൻ കെ സുകുമാരൻ നായർ, പി കെ സോമൻ പിള്ള, പനങ്ങാട് തങ്കപ്പൻ പിള്ള, എം എൻ ലക്ഷമണൻ, എം കെ രാജേന്ദ്രൻ, പ്രൊഫ.വി എൻ ശർമ തുടങ്ങിയവരും സജീവമായി മെഴുവേലിയിൽ മുഴുവൻ സമയവും ഉണ്ടായിരുന്നു. മുതിർന്ന പരിഷത് പ്രവർത്തകരുടെ സാന്നിധ്യവും ലാളിത്യവും പരിഷത് ആശയങ്ങളുടെ സ്വാധീനവും മെഴുവേലിയിലെ ജനതയെ സ്വാധീനിച്ചു. അടൂർ മേഖലയുടെ ഭാഗമായിരുന്നു മെഴുവേലി,ഉള്ളന്നൂർ യൂണിറ്റുകൾ. (അടൂർ മേഖലാ വാർഷികം ഉള്ളന്നൂർ SNDP ഹാളിൽ വെച്ചു നടത്തിയിരുന്നു.) പിന്നീട് പന്തളം മേഖലയിലും തുടർന്ന് ബ്ലോക്കടിസ്ഥാനത്തിൽ മേഖലകൾ വിഭജിച്ചപ്പോൾ കുളനട മേഖലയിലുമായി (1997) യൂണിറ്റ് യോഗങ്ങൾ വീടുകളിലും സ്കൂളുകളിലും വായനശാലകളിലുമായിരുന്നു നടത്തിയത്

3 പരിഷത്തിൻ്റെ പ്രധാന ഇടപെടലുകൾ

3.1 വിദ്യാഭ്യാസം

3.1.1 പുതിയ പാഠ്യപദ്ധതി നടപ്പിലാക്കിയപ്പോൾ DRGമാരെ അക്കാദമികമായി ശക്തിപ്പെടുത്തുന്നതിന് 98 ഏപ്രിൽ 25, 26 തീയതികളിൽ ഡി ആർ ജി ശിൽപശാല മെഴുവേലിയിൽ വച്ചു നടത്തി.

3.1.2 മെഴുവേലി സ്കൂൾ കോംപ്ലക്സ്

1995 ൽ ആരംഭിച്ചു. ജില്ലാ കളക്ടർ കെ ബി വത്സലകുമാരിയാണ് ഉദ്ഘാടനം നിർവഹിച്ചത്. കുട്ടികളിൽ ജനാധിപത്യ ശീലം ഉണ്ടാക്കുന്നതിനായി ക്ലാസ് പഞ്ചായത്ത് സംവിധാനം നടപ്പിലാക്കി. ഓരോ ക്ലാസിലും രൂപീകരിച്ച ഭരണ സമിതി ക്ലാസ് തല പ്രവർത്തനങ്ങൾ വിലയിരുത്തി. പഞ്ചായത്ത് പി ടി എ പ്രായോഗികമാക്കി. പ്രോഗ്രസ് റിപ്പോർട്ട്, അവധി അപേക്ഷ, ടീച്ചർ അറിയിക്കുന്ന വിവരങ്ങൾ, രക്ഷിതാവ് അറിയിക്കുന്ന വിവരങ്ങൾ, വിദ്യാർഥിയുടെ നേട്ടങ്ങൾ എന്നിവ ഉൾപ്പെടുത്തിയ സ്കൂൾ ഡയറി വിതരണം ചെയ്തു, സെപ്തം 5 ന് നടത്തിയ പൂർവാധ്യാപകരെ ആദരിക്കലും വിദ്യാഭ്യാസ സെമിനാറും അതി ഗംഭീരമായി . ഡയറ്റ് പ്രിൻസിപ്പൽ ശ്രീ ജി.ജയാനന്ദൻ, ഡി ഡി ഇ രവികുമാർ, ഡയറ്റ് ഫാക്കൽറ്റിയംഗം ആർ വിജയമോഹൻ, തോമസ് ഉഴുവത്ത് തുടങ്ങിയവർ നേതൃത്വം നൽകി. വൃക്ഷവത്കരണത്തിൻ്റെ ഉദ്ഘാടനം 23/7/96 ന് കാക്കനാടൻ നിർവഹിച്ചു, അധ്യാപക സംഗമം 25/7/96 ന് DDE ഉദ്ഘാടനം ചെയ്തു. 19/7 /96 ന് ഒളിമ്പിക്സുമായി ബന്ധപ്പെട്ട പ്രവർത്തനങ്ങൾ നടന്നു. ഒളിമ്പിക്സ് പ്രഭാഷണം, ഒളിമ്പിക്സ് ആൽബ നിർമാണം, ഒളിമ്പിക്സ് ക്വിസ്, എന്നിവ നടപ്പിലാക്കി. ജനകീയ മോണിറ്ററിംഗ്, അധ്യാപക പരിശീലനം, ഭൗതിക സൗകര്യ വികസനം പഞ്ചായത്ത് രക്ഷാകർതൃ സംഗമം, ദിനാചരണങ്ങൾ തുടങ്ങിയവ ഏറ്റെടുത്തു ശാസ്ത്രസാഹിത്യ പരിഷത്താണ് അക്കാദമിക നേതൃത്വം വഹിച്ചത്.

3.1.3. വിദ്യാഭ്യാസ ജാഥകൾ

1999 ൽ ജില്ലാതല വിദ്യാഭ്യാസ ജാഥക്ക് ഇലവുംതിട്ടയിൽ സ്വീകരണം നൽകി

95 നവംബർ 1ന് റാന്നിയിൽ നിന്ന് ആരംഭിച്ച സംസ്ഥാന വിദ്യാഭ്യാസജാഥയിൽ മെഴുവേലി യൂണിറ്റിലെ കെ ജി പുഷ്പലത, പി കെ നടേശൻ, വി ആർ മധു എന്നിവർ പൂർണ സമയം പങ്കെടുത്തു. നവം 18 നാണ് ജാഥ തൃശൂരിൽ സമാപിച്ചത്.

3.1.4 വിദ്യാലയങ്ങൾ അടച്ചുപൂട്ടാനുള്ള നീക്കത്തിനെതിരെ.

1992 ൽ പഞ്ചായത്തിൽ പ്രതിരോധ പ്രവർത്തനങ്ങൾ നടത്തി.

സ്കൂൾ അടച്ചുപൂട്ടലിനെതിരേ മാലേത്ത് സരളാദേവി MLA യുടെ വീട്ടിലേക്ക് ജനകീയ മാർച്ച് നടത്തി സ്കൂൾ അടച്ചുപൂട്ടലിെനതിരേ പഞ്ചായത്ത്തല കൺവൻഷൻ നടത്തി (2003)

3.1.5 വിദ്യാഭ്യാസ കമ്മീഷൻ

ശാസ്ത്രസാഹിത്യ പരിഷത്ത് കേരളത്തിലെ വിദ്യാഭ്യാസം സംബന്ധിച്ച് വിദഗ്ധ നിർദ്ദേശം സമർപ്പിക്കുന്നതിനായി 96 ൽ നിയോഗിച്ച അശോക് മിത്ര കമ്മീഷൻ പ്രവർത്തന ചെലവ് ജനകീയമായി കണ്ടെത്തുന്നതിൻ്റെ ഭാഗമായി മെഴുവേലി യുണിറ്റ് 2200 രൂപ സമാഹരിച്ചു നൽകി

3.1.6. വിദ്യാഭ്യാസ സ്റ്റാറ്റസ് റിപ്പോർട്ട്

1998 ൽ പി എൽ ഡി പി പരിപാടിയുടെ ഭാഗമായി വിദ്യാഭ്യാസ സ്റ്റാറ്റസ് റിപ്പോർട്ട് തയ്യാറാക്കി. അതിനെ അടിസ്ഥാഥാനമാക്കി 1/8/98 ൽ സെമിനാർ നടത്തി മെഴുവേലിയിലെ വിവിധ വിദ്യാലയങ്ങളിൽ നിന്നായി 23 അധ്യാപകർ പങ്കെടുത്തു. അധ്യാപകരായ വി കെ വത്സമ്മ, ഉഷാ റോയി എന്നിവർ തിരുവനന്തപുരത്ത് സി ഡി എസിൽ സ്റ്റാറ്റസ് റിപ്പോർട്ട് അവതരിപ്പിച്ചു

3.1.7 പാർശ്വവത്കൃതരുടെ വിദ്യാഭ്യാസം

പിന്നാക്കം നിൽക്കുന്ന കുട്ടികൾക്കായി അയൽപക്ക പഠന കേന്ദ്രങ്ങൾ ആരംഭിക്കാൻ പഞ്ചായത്തിനെ സഹായിച്ചു.(1995)

3.1.8 .ക്ലാസ് റൂം ലൈബ്രറികൾ./ സ്മാരക ലൈബ്രറികൾ

2013ൽ വിദ്യാലയങ്ങളിൽ ക്ലാസ് റൂം സയൻസ് ലൈബ്രറികൾ സ്ഥാപിച്ചു. പി എസ് ജയചന്ദ്രൻ ആവിഷ്കരിച്ച നൂതന പദ്ധതിയായിരുന്നു ഇത്. മെഴുവേലി ഹൈസ്കൂളിൽ ശ്രീ ഭാസ്കരൻ മുഖേന 15000 രൂപയുടെ പുസ്തകവും അലമാരയും കോട്ട ദേവീവിലാസം NSS LPS ൽ ശശിധരപ്പണിക്കർ മുഖേന 12000 രൂപയുടെ പുസ്തകവും അലമാരയും ഉള്ളന്നൂർ RRUPS ൽ ഭാനുമതിയമ്മ മുഖേന 12000 രൂപയുടെ പുസ്തകവും അലമാരയും ചന്ദനക്കുന്ന് SMSUPS ൽ പ്രൊഫ.പ്രസാദ് മുഖേന 15000 രൂപയുടെ പുസ്തകവും അലമാരയും അടൂർ ജിയുപിഎസിൽ ഭാരതി ടീച്ചറുടെ പേരിൽ 12000 രൂപയുടെ പുസ്തകവും അലമാരയും നൽകി. സ്മാരക ലൈബ്രറി എന്ന ആശയം മറ്റു ജില്ലകൾ ഏറ്റെടുക്കുകയും ക്ലാസ് ലൈബ്രറി എന്ന ആശയമായി കേരളമാകെ പിന്നീട് ഏറ്റെടുക്കുകയും ചെയ്തു.സ്മാരക ലൈബ്രറിയുടെ ഭാഗമായി 5000 രൂപയുടെ പരിഷത്ത് പുസ്തകങ്ങൾ ഇലവുംതിട്ട പ്രഭാഷ് ചന്ദ്രൻ, അമ്മ എം എസ്.സൗദാമിനി ടീച്ചറുടെ ഓർമ്മയ്ക്കായി നെടിയകാല മേനോൻ സ്മാരക ഗ്രന്ഥശാലയ്ക്ക് നൽകി കേരള ശാസ്ത്ര സാഹിത്യ പരിഷത്തിന്റെ കുളനട മേഖല പ്രസിഡന്റ്‌, ജില്ലാ കമ്മറ്റിയംഗം എന്നീ നിലകളിൽ പ്രവർത്തിച്ച ശ്രീ എം എൻ. ആനന്ദൻ്റെ ഒന്നാം ചരമവാർഷിക ദിനമായിരുന്നു 2019 ജൂലൈ 29. ഇതിനോടനുബന്ധിച്ച് അദ്ദേഹത്തിന്റെ ഓർമക്കായി ചന്ദനകുന്ന് ഗവ: S.M.S.U.P സ്കൂളിലേക്ക് ശാസ്ത്ര പുസ്തകങ്ങളുടെ ഒരു ശേഖരം ശ്രീ എം എൻ ആനന്ദന്റെ സഹധർമിണിയായ ശ്രീമതി ഓമന സ്കൂൾ ഹെഡ്മിസ്ട്രസ് ശ്രീമതി സിന്ധു ഭാസ്കറിന് സ്കൂൾ ഹാളിൽ കൂടിയ കൂടിയ യോഗത്തിൽ വച്ചു കൈമാറുകയുണ്ടായി.പരിഷത്ത് കുളനട മേഖല പ്രസിഡന്റ്‌ ശ്രീ എം സി രവീന്ദ്രൻ ,സെക്രട്ടറി വിമൽ.രാജ് ,ശ്രീ പി .എസ് ജയചന്ദ്രൻ ,ജില്ലാ സെക്രട്ടറി ശ്രീ യു ചിത്രജാതൻ ,മേഖലാ ജോയിന്റ് സെക്രട്ടറി സണ്ണി വർഗീസ് എന്നിവർ പങ്കെടുത്തു 2018 ൽ മെഴുവേലി യൂണിറ്റിലെ പി വി ദേവരാജൻ, ബി സരള ടീച്ചറുടെ സ്മരണാർഥം പതിനായിരം രൂപയുടെ പുസ്തകവും അലമാരയും കുളനട പഞ്ചായത്ത് സ്കൂളിന് നൽകി.

3.1.8 മക്കൾക്കൊപ്പം

മെഴുവേലി പഞ്ചായത്തിലെ എല്ലാ വിദ്യാലയങ്ങളിലും പൂർത്തീകരിച്ചു.88 % പങ്കാളിത്തം. രണ്ടു വിദ്യാലയങ്ങളിൽ 100 % പങ്കാളിത്തം. സുജ, ജീമോൻ, ശ്രീലത, റജി ചാക്കോ, സുമി, ഐശ്വര്യ, ചിപ്പി എന്നിവർ ജില്ലയിൽ ക്ലാസുകൾ നയിച്ചു. യൂണിറ്റുകൾ ഇല്ലാത്ത കുളനട, ആറന്മുള പഞ്ചായത്തുകളിലും പരിപാടി സംഘടിപ്പിക്കുന്ന തിന് മെഴുവേലിയിലെ പ്രവർത്തകർ നേതൃത്വം നൽകി മെഴുവേലി പഞ്ചായത്ത് ആകെ പങ്കെടുക്കേണ്ടവർ 650 ആകെ പങ്കെടുത്തവർ 571 (88%) ആറന്മുള പഞ്ചായത്ത് ആകെ പങ്കെടുക്കേണ്ടവർ 2483 ആകെ പങ്കെടുത്തവർ 1811 (73%) കുളനട പഞ്ചായത്ത് ആകെ പങ്കെടുക്കേണ്ടവർ 1239 ആകെ പങ്കെടുത്തവർ 965 (80%) ആറന്മുള ഉപജില്ല ആകെ പങ്കെടുക്കേണ്ടവർ 3975 പങ്കെടുത്തവർ 3085 (77%) ആകെ വിദ്യാലയങ്ങൾ 39 ആകെ ക്ലാസുകൾ 42 2021 ആഗസ്റ്റ് 11, 12,16 തീയതികളിലായി ഉപജില്ലയിലെ എല്ലാ പഞ്ചായത്തുകളിലും എല്ലാ വിദ്യാലയങ്ങളിലും മക്കൾക്കൊപ്പം പരിപാടി നടന്നു മാധ്യമങ്ങൾ ആറന്മുള ഉപജില്ലാ തല മക്കൾക്കൊപ്പം പരിപാടിക്ക് നല്ല പരിഗണന നൽകി.കൂടാതെ രക്ഷിതാക്കൾ തയ്യാറാക്കിയ ഒരു മിനിറ്റ് പ്രചരണ വീഡിയോ, ഓരോ ബാച്ചിനുമുള്ള പോസ്റ്ററുകൾ ,നേരിട്ടുള്ള അറിയിപ്പുകൾ എന്നിവ വഴി ശക്തമായ പ്രചരണമാണ് വിദ്യാലയങ്ങൾ നടത്തിയത്. ഇത് പങ്കാളിത്തം കൂട്ടാൻ സഹായകമായി ജനപ്രതിനിധികളുടെ പങ്കാളിത്തം: ഗ്രാമ പഞ്ചായത്തുകളിലെ എല്ലാ ജനപ്രതിനിധികളും ഉപജില്ലാ പരിധിയിലുള്ള എല്ലാ ബ്ലോക്ക് പ്രതിനിധികളും മക്കൾക്കൊപ്പം പരിപാടിയുടെ ഭാഗമായി രക്ഷിതാക്കളുടെ പങ്കാളിത്തം: 77% രക്ഷിതാക്കൾ ഉപജില്ലയിൽ മക്കൾക്കൊപ്പം പരിപാടിയുടെ ഭാഗമായി. മെഴുവേലി പഞ്ചായത്തിലാണ് ഉയർന്ന പങ്കാളിത്തം (88%) കുളനട (80%), ,ആറന്മുള (73%.) എന്നിങ്ങനെ പങ്കാളിത്തമുണ്ടായി. 3085 രക്ഷിതാക്കൾ പരിശീലനത്തിൽ പങ്കാളികളായി. മെഴുവേലിയിലെ രണ്ടു വിദ്യാലയങ്ങളിൽ (SNVLPS ,ഉള്ളന്നൂർ, SMSUPS ചന്ദനക്കുന്ന്) 100 % മുകളിൽ പങ്കാളിത്തമുണ്ടായി.

ഉപജില്ലാ തല ഉദ്ഘാടനം: സാമൂഹിക പ്രവർത്തകയായ ഡോ.എം എസ് സുനിലാണ് നിർവഹിച്ചത്.ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ്‌ കമ്മറ്റി ചെയർമാൻ ശ്രീ ആർ.അജയകുമാർ മുഖ്യ പ്രഭാഷണം നടത്തി. മെഴുവേലി ഗ്രാമപഞ്ചായത്ത് പ്രസിഡൻ്റ് ശ്രീമതി പിങ്കി ശ്രീധർ അധ്യക്ഷത വഹിച്ചു.

3.1.9 ഉജ്വല കൗമാരം

കൗമാര മനസുകളുമായി സംവദിച്ച ഉജ്ജ്വല കൗമാരം ഉപജില്ലയിൽ സംഘടിപ്പിക്കുന്നതിനും മെഴുവേലി പഞ്ചായത്തിലെ പ്രവർത്തകരാണ് നേതൃത്വം നൽകിയത് .ഉപജില്ലാ തല ഉദ്ഘാടനം മെഴുവേലി PHS ൽ നടത്തി.

3.2 സാക്ഷരത

സാക്ഷരതാ പ്രവർത്തനത്തിൽ ജില്ലാ കോർഡിനേറ്റർമാർ, അസിസ്റ്റൻറ് കോർഡിനേറ്റർമാർ, പ്രോജക്‌ട് ഓഫീസർമാർ, അസിസ്റ്റൻറ് പ്രോജക്ട് ഓഫീസർമാർ എന്നീ ഔദ്യോഗിക സ്ഥാനങ്ങളിൽ 35 പരിഷത്ത് പ്രവർത്തകർ ജില്ലയിൽ ഉണ്ടായിരുന്നു അതിൽ നാലുപേർ മെഴുവേലി, ഉള്ളന്നൂർ യൂണിറ്റിൽ നിന്നുള്ളവരായിരുന്നു. പി എസ് ജയചന്ദ്രൻ, പി ആർ ശ്രീകുമാർ, ടി പി കലാധരൻ ,പി കെ നടേശൻ എന്നിവർ ഡെപ്യൂട്ടേഷനിൽ ഫുൾ ടൈം പ്രവർത്തനത്തിൽ മുഴുകി. മെഴുവേലി പഞ്ചായത്തിൻ്റെ ഔദ്യോഗിക ചുമതല പിഎസ് ജയചന്ദ്രൻ നിർവഹിച്ചു പഞ്ചായത്ത് സാക്ഷരതാ സമിതിയുടെ ചെയർമാൻ പഞ്ചായത്ത് പ്രസിഡൻ്റും കൺവീനർ പഞ്ചായത്ത്എക്സിക്യൂട്ടീവ് ഓഫീസറുമായിരുന്നു (ഇന്നത്തെ സെക്രട്ടറി ) ജോയിൻ്റ് കൺവീനറായി പരിഷത്തിലെ കെ സുരേഷ്കുമാറും KRP യായി കെ.ആർ സുശീലയും ചുമതല വഹിച്ചു മറ്റുള്ളവർ പ്രാദേശിക സംഘാടകരും പ്രേരക്മാരുമായി പ്രവർത്തിച്ചു സാക്ഷരതാ പ്രവർത്തനം ഉദ്ഘാടനം ചെയ്തത് കടമ്മനിട്ട. 200 പ0ന കേന്ദ്രങ്ങൾ ഉണ്ടായിരുന്നു. ഏപ്രിൽl 4, 5 തീയതികളിൽ നടത്തിയ ജില്ലാപ്രചരണ ജാഥകളിൽ ഒന്നിൻ്റെ ക്യാപ്റ്റൻ ടി പി കലാധരനായിരുന്നു. മെയ് മാസം മെഴുവേലിയിൽ അക്ഷര കലാജാഥ വരവേൽക്കപ്പെട്ടു. മെഴുവേലിക്ക് ജില്ലയിൽ ഒന്നാം സ്ഥാനം ലഭിച്ചു.പരിഷത്തും പഞ്ചായത്ത് ഭരണസമിതിയും കൈകോർത്തതിൻ്റെ അഭിമാനകരമായ നേട്ടം.ഇതിൽ സുരേഷ് കുമാർ, പി എസ് ജയചന്ദ്രൻ എന്നിവരുടെ സംഭാവനകൾ എടുത്തു പറയേണ്ടതുണ്ട്.

3. 3 വിജ്ഞാനോത്സവം

എല്ലാ വിജ്ഞാനോത്സവങ്ങളും മെഴുവേലിയിൽ നടന്നിട്ടുണ്ട്. ഇത് സംബന്ധിച്ച രേഖകൾ പൂർണമായും ലഭ്യമല്ല. വിജ്ഞാനോത്സവം വിവിധങ്ങളായ അനുബന്ധ പരിപാടികളോടാണ് നടത്തിയിരുന്നത് ശാസ്ത്ര എക്സിബിഷൻ, സംവാദം, സെമിനാർ,ഏറ്റവും കൂടുതൽ പോയിൻ്റ് നേടുന്ന സ്ക്കൂളുകൾക്ക് ട്രോഫികൾ എന്നിവ നൽകി ഒരു ഉത്സവമായി തന്നെയാണ് നടത്തിയിരുന്നത്.ട്രോഫി വിതരണമൊക്കെ ഗംഭീര ചടങ്ങുകളായിരുന്നു. മറ്റു പഞ്ചായത്തുകളിൽ വിജ്ഞാനോത്സവം നടത്താനും ഇവിടെ നിന്നും പരിഷത് പ്രവർത്തകർ പോയി. കടപ്ര, നിരണം പഞ്ചായത്തുകളിലെ വിജ്ഞാനോത്സവത്തിനായി പി എസ് ജയ ചന്ദ്രൻ, സണ്ണി വർഗീസ്, അഞ്ജു തമ്പി എന്നിവർ ഓട്ടോയിൽ സാധന സാമഗ്രികളുമായി പോയ ആവേശകരമായ അനുഭവം ഉണ്ട്. മെഴുവേലിയിൽ മുടക്കമില്ലാതെ വിജ്ഞാനോത്സവങ്ങൾ നടത്തിയിരുന്നു. 1997 ൽ മെഴുവേലി പഞ്ചായത്തിൽ നടന്ന വിജ്ഞാനോത്സവത്തിൽ 179 കുട്ടികൾ പങ്കെടുത്തു (LP 82,UP 76, HS 21). ആ വർഷം മേഖലാതല വിജ്ഞാനോത്സവം മെഴുവേലി PHS ൽ ആണ് നടന്നത്. 2019 ൽ വിമൽ രാജിൻ്റെ നേതൃത്വത്തിലായിരുന്നു വിജ്ഞാനോത്സവം. 2020 ലെ വിജ്ഞാനോത്സവത്തിൽ 50 കുട്ടികളാണ് പങ്കെടുത്തത്. 3.4 സയൻസ് ഫോറം മെഴുവേലി ടി ടി ഐ യിൽ കുറച്ചു കാലം ശാസ്ത്രഗതി സയൻസ് ഫോറം പ്രവർത്തിച്ചിരുന്നു. കെ.ആർ.സുശീല ടീച്ചറാണ് ഇതിന് നേതൃത്വം നൽകിയത്

3.4. ബാലവേദി

ബാലവേദി സജീവമായിരുന്നു. ഉള്ളന്നൂരിൽ പി എസ് ജയചന്ദ്രനും മെഴുവേലിയിൽ പി കെ നടേശനും നേതൃത്വം നൽകി. കുട്ടികളുടെ വായനശാല. നവരംഗത്തിലും ഹരിതയിലും പ്രവർത്തിച്ചിരുന്നു

3.5 ആരോഗ്യം

ആരോഗ്യ സർവ്വേ വിജയിപ്പിക്കുന്നതിന് നടത്തിയ പ്രവർത്തങ്ങൾ, ജനകീയാരോഗ്യം ക്ലാസുകൾ എന്നിവ നടത്തി.

3.6 ഊർജം

മെഴുവേലി പഞ്ചായത്തിൽ നടത്തിയ ഊർജ ഗ്രാമം പദ്ധതി, ചൂടാറാപ്പെട്ടി വിതരണം, പരിഷത്ത് അടുപ്പ് വ്യാപനം എന്നിവയാണ് ഈ രംഗത്തെ ഇടപെടലുകൾ

3.7 വികസനം

3.7.1 ഗ്രാമശാസ്ത്ര സമിതി പ്രവർത്തനം മുതൽ തുടങ്ങുന്നു വികസനത്തിലുള്ള പരിഷത്തിൻ്റ ഇടപെടൽ 2003 ൽ ഉള്ളന്നൂരിൽ കർഷകരുടെ കൂട്ടായ്മ രൂപീകരിച്ചു പ്രവർത്തിച്ചിചിരുന്നു.

3.7 2 വിഭവഭൂപട നിർമാണം (1991)

പഞ്ചായത്തും പരിഷത്തും ചേർന്നു നടപ്പിലാക്കി. ടി ഗംഗാധരൻ നേതൃത്വം നൽകി. 

91 സെപ്തംബർ 7 വികസന പദയാത്ര 91 സെപ്തം 17 ന് ഇലവുംതിട്ടയിൽ ഗ്രാമ പാർലമെൻ്റ് നടത്തി 92 മെയ് 13 ന് വികസന ജാഥ വിഭവ ഭൂപട നിർമ്മാണം സംഘാടനത്തിൽ നേതൃത്വം നൽകിയ പരിഷത്ത് പ്രവർത്തകർ: -ടി പി.കലാധരൻ ജോയിൻറ് കൺവീനർ (പഞ്ചായത്ത് പ്രസിഡൻ്റ് ചെയർമാനും എക്സിക്യൂട്ടീവ് ഓഫീസർ കൺവീനറും) കെ ആർ .സുശീല വൈസ് ചെയർമാനും കെ.സുരേഷ് കുമാർ സാങ്കേതിക വിഭാഗം കൺവീനറും ആയിരുന്നു

സാമുഹിക സാമ്പത്തിക സർവേ (1992).80 പ്രവർത്തകർ 5 ദിവസം കൊണ്ട് പൂർത്തിയാക്കി. ശാസ്ത്ര സാഹിത്യ പരിഷത്താണ് സർവ്വേ ക്രോഡീകരിച്ചത്.

ഊർജ ഗ്രാമം പദ്ധതി. 100 അടുപ്പുകൾ സ്ഥാപിച്ചു

3.7.3.പി എൽ ഡി പി (1996) പരിപാടി പഞ്ചായത്തിൽ നടപ്പിലാക്കി. പിന്നീട് കേരളത്തിൽ നടപ്പിലാക്കിയ ജനകീയാസൂത്രണ പരിപാടിക്ക് ഈ പ്രോഗ്രാം അനുഭവതലം ഒരുക്കി. ടി എൻ സീമ, ഡോ.തോമസ് ഐസക്ക് ,ഡോ എൻ കെ ശശിധരൻ പിള്ള തുടങ്ങിയവർ നേതൃത്വം നൽകാൻ എത്തിയിരുന്നു. പുതിയ ഭരണസമിതി സംശയത്തോടെയാണ് മുൻ ഭരണ സമിതി ആരംഭിച്ച പ്രവർത്തനത്തെ നോക്കി കണ്ടത്. പുതിയ ഭരണസമിതിയെ കാര്യങ്ങൾ ബോധ്യപ്പെടുത്താനും പഴയ സാരഥികളുടെ സഹകരണം തേടാനുമാണ് തോമസ് ഐസക് എത്തിയത്. (95 ഒക്ടോബർ 12 ) ഒകടോബർ 2 നാണ് പുതിയ സമിതി ബി നന്ദകുമാറിൻ്റെ നേതൃത്വത്തിൽ അധികാരമേറ്റത്.

പ്രോഗ്രാം.ശ്രീകുമാർ ഫുൾ ടൈം പ്രവർത്തകൻ

നടത്തിയ പ്രധാന പ്രവർത്തനങ്ങൾ

• വികസനസെമിനാർ (1/12/96) 120 പേർ പങ്കെടുത്തു
• ടി എസ് ജി പരിശീലനം (5/12/96 )110 പേർ പങ്കെടുത്തു
• 1996 നവം 21 ന് സിഡിഎസിലെ ഡോ കെ നാരായണൻ നായരുടെ നേതൃത്വത്തിൽ വിദഗ്ദ്ധസംഘം മെഴുവേലി സന്ദർശിച്ചു. മഹാരാഷ്ട്രയിൽ നിന്നുള്ള ഡോ ആന്തിയ എൻ ഈ സംഘത്തിൽ ഉണ്ടയിരുന്നു.
• സാമൂഹിക സാമ്പത്തിക സർവേ പരിശീലനം (14/12/97) 66 പേർ പങ്കെടുത്തു
• സർവ്വേ അവലോകന യോഗം (20/3/97) 64 പേർ പങ്കെടുത്തു
• സർവേ ക്രോഡീകരണ പരിശീലനം (5/4/97) 45 പേർ പങ്കെടുത്തു
• വികസന സമിതി എക്സിക്യൂട്ടീവ് 14/7/97 (ടി.ഗംഗാധരൻ പങ്കെടുത്തു)
• വികസന സമിതി പൊതുസഭ (3/8/97) ഏലിയാസ് പങ്കെടുത്തു
• ഗ്രാമസഭാ പരിശീലനത്തിൽ 80 പേർ പങ്കെടുത്തു
• സ്കൂൾ കോംപ്ലക്സ് പരിശീലനവും 97 ൽ നടത്തി
• നീരൊഴുക്കു ഭൂപട നിർമാണം, വാട്ടർ ബാലൻസ് എസ്റ്റിമേഷൻ സ്റ്റഡി, വാട്ടർഷെഡ് അടിസ്ഥാനമാക്കി പ്രോജക്ട് തയ്യാറാക്കൽ, വിദ്യാഭ്യാസ സ്റ്റാറ്റസ് റിപ്പോർട്ട് തയ്യാറാക്കൽ, ഹെറിറ്റേജ് മ്യൂസിയം പ്രവർത്തനാ രംഭിക്കൽ, പഞ്ചായത്തിലെ ഔഷധസസ്യങ്ങളുടെ പട്ടിക തയ്യാറാക്കൻ എന്നിവ നടത്തി.
• 1997 സെപ്തം 30 ന് നെതർലണ്ടിലെ വികസന പരിപാടിയുടെ കോർഡിനേറ്റർ പീറ്റ് ഡി ലാങ് പഞ്ചായത്ത് സന്ദർശിച്ചു.
• ഡോ തങ്കപ്പൻ, ഡോ ജോയി ഇളമൺ, ഡോ ഹരിപ്രസാദ് എന്നിവർ അയൽക്കൂട്ടങ്ങളുടെ ആരോഗ്യ സ്റ്റാറ്റസ് റിപ്പോർട്ട് തയ്യാറാക്കുന്നതിൻ്റെ പ്രായോഗികത പരിശോധിച്ചു പി കെ നടേശൻ പഞ്ചായത്ത് വികസന സമിതി സെക്രട്ടറിയായി പ്രവർത്തിച്ചു.
• 98 ൽ പ്രാദേശിക സന്നദ്ധ സാങ്കേതിക സേന രൂപീകരിച്ചു.ടി ഗംഗാധരൻ, വി ആർ രഘുനന്ദനൻ, ആനന്ദി, ആർ വി ജി മേനോൻ, ഡോ എൻ കെ ശശിധരൻ പിള്ള, എലിയാസ് തുടങ്ങിയവർ ഒരാഴ്ചക്കാലം മെഴുവേലിയിൽ ക്യാമ്പ് ചെയ്താണ് പ്രവർത്തകർക്ക് പരിശീലനം നൽകിയത്.മാർച്ച് മാസം നടത്തിയ ഈ പരിശീലനത്തിൽ 33 പേരാണ് പങ്കെടുത്തത്.
• 1998 ഡിസംബർ 12ന് നടത്തിയ നീർത്തട ശിൽപശാലയിൽ ഡോ അജയകുമാർ വർമ, ടി. ജി, ആർ വി ജി, ഡോ എൻ കെ എസ്, ഡോ ടെറി മാം മാഡോ, വി ആർ രഘുനന്ദനൻ, കെ എൻ എലിയാസ് എന്നിവർ നേതൃത്വം നൽകി.
• 7/6/98 ൽ നടത്തിയ വനിതാ ശിൽപ്പശാലയിൽ ഡോ ടി എൻ സീമ പങ്കെടുത്തു
• 31/12/98 ന് PLDP ഒന്നാം ഘട്ടം അവസാനിച്ചു.
• പി എൽ ഡി പി രണ്ടാം ഘട്ട പ്രവർത്തനങ്ങളുടെ ഭാഗമയി 11/12/99 ൽ നടന്ന വികസന പരിപ്രേക്ഷ്യ ശില്പശാലക്ക് RVG മേനോൻ നേതൃത്വം നൽകി.
• 2000 ജനവരി 5,6,7 തീയതികളിൽ നടന്ന ശിൽപശാലയിൽ ഡോ എം പി പരമേശ്വരൻ പങ്കെടുത്തു.100ൽ അധികം പേർ ശിൽപശാലയിൽ പങ്കാളികളായി.
• ജനുവരി 19, 20 തീയതികളിൽ തുടർ ശിൽപശാല നടത്തി.

2000 ൽ വികസന പരിപ്രേക്ഷ്യം യ്യൊറാക്കൽ ആരംഭിച്ചു

3.7.4 ജനകീയാസൂത്രണം ജില്ലയ്ക്ക് മാതൃക.

• മാതൃകാ ഗ്രാമസഭയും വികസന രേഖയും വികസന സെമിനാറും സംസ്ഥാനത്ത് ആദ്യത്തേത് മെഴുവേലിയിൽ നടത്താൻ പരിഷത്ത് നേതൃത്വപരമായ പങ്കുവഹിച്ചു.
• മെഴുവേലിയിലെ പരിഷത്ത് പ്രവർത്തകർ സംസ്ഥാന തലം മുതൽ താഴെ തലം വരെ റിസോഴ്സ് പേഴ്സൺസ്, കർമസമിതി അംഗങ്ങൾ, സംഘാടകർ എന്നീ നിലകളിൽ പ്രവർത്തിച്ചു
• ജനകീയാസൂത്രണം നന്നായി നടത്തിയതിന്മെഴുവേലിക്ക് മികച്ച പഞ്ചായത്തിനുള്ള പുരസ്കാരം ലഭിച്ചു.
• 5/7/98 ന് പഞ്ചായത്തിലെ വികസന പ്രവർത്തനങ്ങൾ പരിഷത്ത് ജനകീയ വിലയിരുത്തലിന് വിധേയമാക്കി. 35 പേർ പങ്കെടുത്തു. സുതാര്യത, കാര്യക്ഷമത എന്നിവയിൽ ഊന്നിയായിരുന്നു വിലയിരുത്തൽ.

3.7.5 വികസന കാൽനട ജാഥ പഞ്ചായത്തിൽ നടത്തി ടി പി കലാധരൻ ക്യാപ്ടനായി പ്രവർത്തിച്ചു (1998)

3.7.6 കോളനി വികസന സമിതി. പത്തിശേരി കോളനിയിലാണ് ഒരു കലാജാഥ സംഘടിപ്പിച്ചത്.അതിൻ്റെ ഭാഗമായി വികസന സമിതി രൂപീകരിക്കുകയും വികസന പ്രവർത്തനങ്ങൾ നടത്തുകയും ചെയ്തു

3.7. 7 .1993 ൽ പയ്യന്നൂരിൽ നിന്നും ഒക്ടോബർ 2 ന് ആരംഭിച്ച് നവം 7 ന് കന്യാകുമാരിയിൽ അവസാനിച്ച സംസ്ഥാന സ്വാശ്രയ ജാഥയിൽ സുരേഷ് കുമാർ (നിലവിൽ വാർഡുമെമ്പർ) പൂർണ സമയം പങ്കെടുത്തു.

3.8 പരിസ്ഥിതി

വൃക്ഷവത്കരണം പതിനായിരം വൃക്ഷത്തൈകൾ പി എസ് ജയചന്ദ്രൻ്റെ വീട്ടിൽ വളർത്തി വനംവകുപ്പിന് കൈമാറി.സുരേഷ് കുമാർ, വി എസ് ബിന്ദു കുമാർ, വിശ്വലാൽ, ഷൈജു, സുലേഖ തുടങ്ങിയവർ സഹകരിച്ചു. ആ വഴിക്ക് ലഭിച്ച പണം ബാങ്കിൽ നിക്ഷേപിച്ചു. ഇതു വരെ പിൻവലിച്ചിട്ടില്ല. ഭോപ്പാൽ ജാഥ 1985 പി എസ് ജയചന്ദ്രൻ, പി ആർ ശ്രീകുമാർ, ഷാ, സുരേഷ് ആമക്കോട് എന്നിവർ പങ്കെടുത്തു. യൂണിയൻ കാർബൈഡ് ഉല്പന്നങ്ങൾ ബഹിക്കരണം തുടങ്ങിയ ഒട്ടേറെ പ്രവർത്തനങ്ങളിൽ പരിഷത്ത് പ്രവർത്തകർ സജീവമായി പങ്കെടുത്തു ആറന്മുള വിമാനത്താവളത്തിനെതിരായ പ്രാഥമിക പ്രവർത്തനങ്ങൾ നടത്താൻ നേതൃത്വം നൽകിയത് മെഴുവേലിയിലെ പരിഷത്തുകാരാണ്

3.9 ശാസ്ത്ര ക്ലാസുകൾ

വാനനിരീക്ഷണം,പാപ്പൂട്ടി മാഷിനെ പങ്കെടുപ്പിച്ച് ജോതിശാസ്ത്ര ക്ലാസ് നടത്തി

3.10 കലാജാഥകൾ

മിക്ക കലാജാഥകളും മെഴുവേലിയിൽ സ്വീകരിക്കപ്പെട്ടു വി കെ ശശിധരൻ്റെ നേതൃത്വത്തിലുള്ള ആദ്യകലാ ജാഥ, വനിതാകലാജാഥ, ശാസ്ത്ര സാംസ്കാരിക ജാഥ തുടങ്ങിയവയെല്ലാം മെഴുവേലി പഞ്ചായത്തിൽ നടത്തി കലാജാഥ അംഗങ്ങളായി പുഷ്പലത, ലൈല തുടങ്ങിയവർ പ്രവർത്തിച്ചു. കാരിത്തോട്ട, ഉള്ളന്നൂർ പറയൻ കര, മെഴുവേലി HS, P NC ആഡിറ്റോറിയം, പത്തിശ്ശേരി HCi ഇലവുംതിട്ട എന്നിവിടങ്ങളിലാണ് പരിപാടികൾ അവതരിപ്പിച്ചത്. വനിതാകലാജാഥ ഇലവുംതിട്ട,മെഴുവേലി എന്നീ കേന്ദ്രങ്ങളിൽ സ്വീകരിക്കപ്പെട്ടു. വിപുലമായ അനുബന്ധ പരിപാടികളോടെയാണ് കലാജാഥയെ വരവേറ്റിരുന്നത് ശാസ്ത്ര കലാജാഥ 2000 മെഴുവേലി, കാരിത്തോട്ട കേന്ദ്രങ്ങൾ ശാസ്ത്ര കലാജാഥ 2003 ഉള്ളന്നൂർ (15014 രൂപയുടെ പുസ്തകം പ്രചരിപ്പിച്ചു) സമത കലാജാഥ 1997 ഉള്ളന്നൂർ (8466 രൂപയുടെ പുസ്തകം പ്രചരിപ്പിച്ചു.) നവലോക ജാഥ 1998 സ്കൂൾ പുസ്തകോത്സവങ്ങൾ മെഴുവേലിയിലെ കലാജാഥയുടെ ഭാഗമായി .പി കെ രാജശേഖരൻ പിള്ളയുടെ സഹകരണത്തോടെ തിരുവല്ല ദേവസ്വം ബോർഡ്, എസ് സി ഹൈസ്കൂൾ തുടങ്ങിയ സ്ഥാപനങ്ങളിൻ നാലും അഞ്ചും ദിവസം നീണ്ടു നിൽക്കുന്ന പുസ്തകോത്സവങ്ങൾ നടത്തി. എം എൻ ആനന്ദൻ, ടി പി കലാധരൻ, പി എസ് ജയചന്ദ്രൻ, പി കെ നടേശൻ എന്നിവർ നേതൃത്വം നൽകി. ആറന്മുള എ എം എം എച്ച് എസ്, മെഴുവേലി PHS, SNDPHS മുട്ടത്തുകോണം, ,ചെന്നീർക്കര, നാൽക്കാലിക്കൽ HS, ആറന്മുള VHC, ഇലന്തൂർ ഗവ: HS, ഇടപ്പരിയാരം SNDPHS, എന്നിവിടങ്ങളിലും പുസ്തകോത്സവങ്ങൾ മെഴുവേലിയിലെ പരിഷത്ത് പ്രവർത്തകർ സംഘടിപ്പിക്കുകയുണ്ടായി. ജനകീയ ശാസ്ത്ര സാംസ്കാരികോത്സവം ഉള്ളന്നൂരിൽ നടത്തിയ 8 വീട്ടുമുറ്റ ക്ലാസുകൾ പങ്കാളിത്തം കൊണ്ടും ഉള്ളടക്കം കൊണ്ടും ശ്രദ്ധേയമായി. ജീമോൻ, പി ആർ ശ്രീകുമാർ, ടി പി കലാധരൻ, വി എസ് ബിന്ദു കുമാർ എന്നിവർ നേതൃത്വം നൽകി

3.11 വനിത

സമത വിജ്ഞാനോത്സവം ജില്ലാതല പരിശീലനം 23/2/97 ഞായറാഴ്ച മെഴുവേലി പി എൻ സി ഓഡിറ്റോറിയത്തിൽ നടത്തി ജില്ലാ വനിത കൺവീനറായ പിപി ലൈല, സുജാതകുമാരി, കെ ആർ സുശീല എന്നിവർ നേതൃത്വം നൽകി. 44 വനിതകളും 16 പുരുഷന്മാരും പങ്കെടുത്തു വനിതാ ശാക്തീകരണ പരിപാടി ഉള്ളന്നൂർ SNVLPS ൽ നടത്തി. 2017ൽ മെഴുവേലി പഞ്ചായത്തിനെ സ്ത്രീ സൗഹൃദമാക്കുന്നതിന് പ്രാഥമിക പ്രവർത്തനം നടത്തിയെങ്കിലും മുന്നോട്ടു പോകാൻ കഴിഞ്ഞില്ല. പി പി ലൈല, കെ ആർ സുശീല എന്നിവർ ജില്ലാ വനിതാ കൺവീനർമാരായി പ്രവർത്തിച്ചിട്ടുണ്ട്.

3.12 സംഘടന

2003 ഏപ്രിൽ 17, 18 തീയതികളിൽ ഇലവുംതിട്ടയിൽ ജില്ലാതല പരിഷത്ത് സ്കൂൾ സംഘടിപ്പിച്ചിരുന്നു

3.12.1 അംഗത്വം

1999ൽ നെടിയകാല 17, ഉള്ളന്നൂർ 16,മെഴുവേലി 52, ഇലവുംതിട്ട 12 എന്നിങ്ങനെയായിരുന്നു പഞ്ചായത്തിലെ അംഗത്വം. എറ്റവും കൂടുതൽ അംഗങ്ങളുള്ള ജില്ലയിലെ രണ്ടാമത്തെ യൂണിറ്റായിരുന്നു മെഴുവേലി

1996 ലെ അംഗത്വം

• നെടിയകാല 25
• ഉള്ളന്നൂർ 37
• മൂലൂർ 39
• മെഴുവേലി 54
• മുണ്ടോകുളഞ്ഞി 15.

2014

• ഇലവുംതിട്ട 10
• മെഴുവേലി 42
• ഉള്ളന്നൂർ 31

2016 ലെ അംഗത്വം

• ഉള്ളന്നൂർ 40
• മെഴുവേലി 49

3.12.2 യൂണിറ്റുകൾ

1997 മെഴുവേലി, നെടിയകാല ,ഉള്ളന്നൂർ, ഇലവുംതിട്ട, മുണ്ടോ കുളത്തി യൂണിറ്റുകൾ പഞ്ചായത്തിൽ ഉണ്ടായിരുന്നു. 1998 ൽ മുണ്ടോകുളഞ്ഞി യൂണിറ്റ് കൊഴിഞ്ഞു പോയി

3. 12.3 പഞ്ചായത്ത് കോർഡിനേഷൻ കമ്മറ്റി

1996ൽ നിലവിൽ വന്നു കെജി പുഷ്പലത കൺവീനറായി പ്രവർത്തിച്ചു. എല്ലാമാസവും കോർഡിനേഷൻ കമ്മറ്റി കൂടിയിരുന്നു.മെഴുവേലി പഞ്ചായത്തിൽ അഞ്ചു യൂണിറ്റുകൾ നിലവിൽ വന്നപ്പോൾ പരിഷത്ത് പഞ്ചായത്ത് കോർഡിനേഷൻ കമ്മറ്റി രൂപീകരിച്ചു.കെ സുരേഷ്കുമാറും 'കൺവീനർ ആയി പ്രവർത്തിച്ചു

3.12.4 പരിഷത്തിനെ നയിച്ചവർ

മിക്കവർഷങ്ങളിലും മെഴുവേലി പഞ്ചായത്തിൽ നിന്ന് നാലോ അഞ്ചോ പ്രവർത്തകർ പരിഷത്ത് ജില്ലാ കമ്മറ്റിയംഗങ്ങളായി. ജില്ലയിലെ സംഘടനയെ നയിക്കുന്നതിന് ജില്ലാ പ്രസിഡൻ്റ് സ്ഥാനം വഹിച്ച 3 പേരും ജില്ലാ സെക്രട്ടറി സ്ഥാനം വഹിച്ച നാലു പേരും വൈസ് പ്രസിഡൻറ് , ട്രഷറർ, ജോയിൻ്റ് സെക്രട്ടറി എന്നീ സ്ഥാനം വഹിച്ചവരും മെഴുവേലിയിലുണ്ട്. സംസ്ഥാന ജോയിൻ്റ് സെക്രട്ടറി, വിദ്യാഭ്യാസ കൺവീനർ എന്നീ സ്ഥാനം വഹിച്ച ഒരാളും ഉണ്ട്.

1.പി എസ് ജയചന്ദ്രൻ പരിഷത്തിൻ്റെ ജില്ലയിലെ തന്നെ ആദ്യകാല പ്രവർത്തകനാണ്.1971 മുതൽ ആരംഭിക്കുന്ന പരിഷത്ത് ബന്ധം. യൂണിറ്റ് സെക്രട്ടറി, മേഖലാ സെക്രട്ടറി, ജില്ലാ പ്രസിഡൻ്റ് എന്നീ നിലകളിൽ പ്രവർത്തിച്ചു. 20 ൽ അധികം വിദ്യാലയങ്ങളിൽ ശാസ്ത്ര പരീക്ഷണ ക്കളരികൾ പല തവണ നടത്തിയിട്ടുണ്ട്. ആറന്മുള പഞ്ചായത്ത് ഓരോ സ്കൂളിനും പുസ്തക കിറ്റ് നൽകാൻ തീരുമാനിച്ചപ്പോൾ പരിഷത്ത് പുസ്തകക്കെട്ടുകൾ ഓരോ വിദ്യാലയത്തിലും എത്തിച്ചത് പി എസ് ജയചന്ദ്രനായിരുന്നു. വൃക്ഷവത്കരണം, സോപ്പു നിർമാണം, പരിഷത്ത് അടുപ്പ് സ്ഥാപിക്കൽ, ചൂടാറാപ്പെട്ടി വിതരണം, മസികാ കാമ്പെയിൻ എന്നിവയിൽ മാതൃകാപരമായ ഇടപെടൽ നടത്തി. യൂണിറ്റുകൾ സംഘടിപ്പിക്കുന്നതിലും പ്രവർത്തനങ്ങൾ സംഘടിപ്പിക്കുന്നതിലും ഇടപെട്ടു പ്രവർത്തിച്ചു. ശാസ്ത്ര മാസം ക്ലാസുകളുടെ സംഘാടകനായിരുന്നു. ബാലവേദി പ്രവർത്തകൻ (ജില്ലാ കമ്മറ്റിയംഗം ( 87,88,2003, 2012, 2013, 2015 2018,2019, 2020) അടൂർ, പന്തളം, കുളനട മേഖലാ സെക്രട്ടറിയായി പ്രവർത്തിച്ചിട്ടുണ്ട്.

2 കെ ആർ സുശീല ദീർഘകാലം പരിഷത്ത് ജില്ലാ കമ്മറ്റിയംഗമായി (87,88,91,92,95,96,97, 98,99 2015, 2019,2018 പ്രവർത്തിച്ചു. വനിതാ കൺവീനറായിരുന്നു .2016, 2017, വർഷങ്ങളിൽ ജില്ലാ വൈസ് പ്രസിഡൻ്റായി.എല്ലാ പരിഷത്ത് പ്രർത്തനങ്ങളിലും സജീവമായിരുന്നു

3. എസ് സുഭഗ ദീർഘകാലം പരിഷത്ത് സജീവ പ്രവർത്തകയായിരുന്നു.പരിഷത്തിൻ്റെ മിക്ക യൂണിറ്റ് യോഗങ്ങളും നവരംഗത്തിലാണ് നടന്നത്. ജില്ലാ കമ്മറ്റിയംഗമായിരുന്നു

4. പി കെ നടേശൻ ജില്ലാ സെക്രട്ടറി 1996, ജില്ലാ പ്രസിഡൻ്റ് (87) ജില്ലാ ട്രഷറർ (88,97,98), ജോയിൻ്റ് സെക്രട്ടറി (95) ജില്ലാ വൈസ് പ്രസിഡൻ്റ് (99)ജില്ലാ കമ്മറ്റിയംഗം 2000, പഞ്ചായത്ത് വികസന സമിതി സെക്രട്ടറി എന്നീ നിലകളിൽ പ്രവർത്തനം നടത്തി.

5 പിടി ജോൺ അധികാര വികേന്ദ്രീകരണവുമായി ബന്ധപ്പെട്ട പ്രവർത്തനങ്ങളിലൂടെയാണ് പരിഷത്തിലെത്തിയത്.2000, 2003 ൽ ജില്ലാ കമ്മറ്റിയംഗമായി. ടി എസ് ജി അംഗമായിരുന്നു. ജില്ലാ വികസന സമിതി കൺവീനറായിരുന്നു.

6 എം എൻ ആനന്ദൻ വികസന പ്രവർത്തനങ്ങളിലൂടെയാണ് പരിഷത്തിലേക്ക് വന്നത്. പരിഷത്ത് ജില്ലാ ജോയിൻ്റ് സെക്രട്ടറിയായി (2003) 2012, 2013, 2014, 2015, 2016 ജില്ലാ കമ്മറ്റിയംഗം. യുണിറ്റ് സെക്രട്ടറി, യൂണിറ്റ് പ്രസിഡൻ്റ്, മേഖലാ സെക്രട്ടറി, മേഖലാ പ്രസിഡൻ്റ് എന്നീ നിലകളിലും പ്രവർത്തനം നടത്തി.

7. പി ആർ ശ്രീകുമാർ ജില്ലാ സെക്രട്ടറി (1995) ജോ സെക്രട്ടറി (87) ജില്ലാ കമ്മറ്റിയംഗം (1996,1997, 96,99, 2003) പി എൽ ഡി പി പഞ്ചായത്ത് കോർഡിനേറ്റർ എന്നീ നിലകളിൽ പ്രവർത്തിച്ചു.ആദ്യകാല പ്രവർത്തകൻ (1983 മുതൽ)

8 ലൈല പി പി ജില്ലാ കമ്മറ്റിയംഗമായി പ്രവർത്തിച്ചു( 1997,96) ജില്ലാ വനിതാ കൺവീനറായിരുന്നു. യൂണിറ്റ് സെക്രട്ടറി സ്ഥാനം മുതൽ വിവിധ തലങ്ങളിൽ പ്രവർത്തനം നടത്തി.

9 ഡോ ടി പി കലാധരൻ റാന്നി യൂണിറ്റ് സെക്രട്ടറി, മേഖലാ സെക്രട്ടറി എന്നീ നിലകളിൽ പ്രവർത്തിച്ച കലാധരൻ1990 മുതൽ മെഴുവേലി കേന്ദ്രീകരിച്ച് സംഘടനയിൽ പ്രവർത്തിച്ചു.ജില്ലാ ജോയിൻ്റ് സെക്രട്ടറി (91,92) ജില്ലാ സെക്രട്ടറി, പ്രസിഡൻ്റ് 1997,2020) ജില്ലാ കമ്മറ്റിയംഗം ( 92, 95 98,99, 2015). സംസ്ഥാന ജോയിൻ്റ് സെക്രട്ടറി, വിദ്യാഭ്യാസ സമിതി സംസ്ഥാന കൺവീനർ എന്നീ നിലകളിൽ പ്രവർത്തനം നടത്തി.

10 സി വി ഓമനക്കുഞ്ഞമ്മ പി എൽ ഡി പി പ്രവർത്തനത്തിലൂടെ പരിഷത്തിലെത്തിയ സി വി ഓമനക്കുഞ്ഞമ്മ 99 ൽ ജില്ലാ കമ്മറ്റിയംഗമായി.

11 പി കെ രാജശേഖരൻ പിള്ള ജില്ലാ ട്രഷററായി പ്രവർത്തിച്ചു (2016, 2017). 2012, 2013,2018, 2019 വർഷങ്ങളിൽ ജില്ലാ വൈസ് പ്രസിഡൻ്റായി. ജില്ലാ കമ്മറ്റിയംഗം 2015

12 പി.എ.നടരാജൻ ആദ്യകാല പ്രവർത്തകൻ (1983). യൂണിറ്റ് പ്രസിഡൻറ്, മേഖലാ പ്രസിഡൻ്റ്, ജില്ലാ കമ്മറ്റിയംഗം (1995) എന്നീ നിലകളിൽ പ്രവർത്തിച്ചു

13 കെ പി ശോഭ ജില്ലാ കമ്മറ്റിയംഗം (2014), മേഖലാ സെക്രട്ടറി (2012, 2013 ) യൂണിറ്റ് സെക്രട്ടറി എന്നീ നിലകളിൽ പ്രവർത്തനം നടത്തി.

14 ബിന്ദു കുമാർ വി എസ് .2019,2021 എന്നീ വർഷങ്ങളിൽ ജില്ലാ കമ്മറ്റിയംഗം. മേഖലാ സെക്രട്ടറിയായി ചുമതല വഹിച്ചു 15 പി കെ തങ്കമ്മ 2017ൽ ജില്ലാ കമ്മറ്റിയിൽ പ്രവർത്തിച്ചു

3.12.5 മേഖലാ സെക്രട്ടറിമാരായി പ്രവർത്തിച്ചവർ

എസ് ഷാ (1991),എം കെ ഷാജി ( 99),അജി ചന്ദ്രൻ ( 1996,97) ,കെ സുരേഷ്കുമാർ ( 2003), സണ്ണി വർഗീസ് ( 2014, 2015), എം കെ ശിവൻകുട്ടി (2018), വിമൽരാജ് ( 2019), അരുൺ ( 2020 ), അഞ്ജു തമ്പി ( 2020)

3.12.6 യൂണിറ്റ് തല പ്രവർത്തകർ

പി വി മുരളീധരൻ, ധർമരാജൻ, സരോജിനി ടീച്ചർ, ഷാജി, ബിജു, കൃഷ്ണകുമാർ, സന്തോഷ്, രമേശ്, ലിസി, ജയ ജോൺ,ജയ, അനിൽകുമാർ, സത്യവ്രതൻ, ബാഹുലേയൻ, അജി ചന്ദ്രൻ, സുരേന്ദ്രൻ, ജയിംസ്, ഷൈജു, സെലിൻ, ബിനു മെഴുവേലി, ജയൻ,,ഗിരിജാ ശശാങ്കൻ ,സലിം (അടുപ്പ് സജീവ പ്രവർത്തകൻ),വാസുദേവപ്പണിക്കർ, ഇന്ദു ബാല, ഗീതാദേവി,സുനി എ ഒ, അമ്പിളി ഭാസ്കരൻ പി എസ്പി, എസ് ദാനിയൽ, ബാബുരാജപണിക്കർ, ലീന ടീച്ചർ,

3.13. ജില്ലാ സമ്മേളനങ്ങൾ

മൂന്ന് ജില്ലാ സമ്മേളനങ്ങൾ മെഴുവേലിയിൽ നടത്തിയിട്ടുണ്ട്.പൗലോസ് മാർ പൗലോസ് മെഴുവേലിയിൽ ജില്ലാ സമ്മേളനം ഉദ്ഘാടനം ചെയ്യാൻ വന്നു. ('2004 ഫെബ്രുവരി 1, 2) മറ്റൊരു ജില്ലാ സമ്മേളനം ഉദ്ഘാടനം ചെയ്തത് പി ഗോവിന്ദപ്പിള്ള

3.1 4 പുസ്തക മാസികാ പ്രചരണം

യുറീക്ക / ശാസ്ത്രകേരളം എന്നിവ യുണിറ്റ് ഏജൻസി എടുത്ത് വിതരണം ചെയ്തിരുന്നു വീട്ടിലൊരു ശാസ്ത്ര ലൈബ്രറി 40 ഓർഡറുകൾ ശേഖരിക്കാൻ കഴിഞ്ഞു.(2020)

3. 15 ഗ്രാമ പത്രം

മെഴുവേലിയിലും ഉള്ളന്നൂരിലും 90 കൾ വരെ ഗ്രാമ പത്രം മുടങ്ങാതെ പ്രസിദ്ധീകരിച്ചിരുന്നു

3.16. AlPSN സമ്മേളനത്തിൽ ടി പി കലാധരൻ, സി വി ഓമനക്കുഞ്ഞമ്മ എന്നിവർ പങ്കെടുത്തിരുന്നു

3.17:മൺമറഞ്ഞവർ

പി എ നടരാജൻ, പി കെ നടേശൻ, എസ് സുഭഗ, ആനന്ദൻ എം എൻ, ചിത്രാംഗദൻ, പുഷ്പലത ടീച്ചർ, രമേശ് ഇലവുംതിട്ട, അനിൽ നെടിയകാല, സത്യശീലൻ, ശോഭനകുമാർ, TV പത്മനാഭൻ, പി കെ സഹദേവൻ, പി കെ സഹോദരൻ, സി കെ പൊന്നമ്മ ,കെ സി സുഗതൻ

4. യൂണിറ്റ് പ്രവർത്തനങ്ങളുടെ അവലോകനം

മെഴുവേലി പഞ്ചായത്തിലെ വിദ്യാഭ്യാസ വികസന നാംസ്ക്കാരിക ചരിത്രത്തിൽ എടുത്തു പറയത്തക്ക ഇടപെടലുകൾ നടത്തിയ സംഘടനയാണ് നമ്മുടേത്. ചില കാലങ്ങളിൽ സംഘടന ദുർബലമാവുകയും പിന്നീട് ശക്തി നേടുകയും ചെയ്യുന്ന അവസ്ഥയുണ്ട്. ഇങ്ങനെ സംഭവിക്കുന്നതിനുള്ള കാരണങ്ങൾ

1. പ്രദേശിക ഇടപെടലുകൾക്ക് തുടർച്ചയുണ്ടാകാത്തത് (ഉദാ PLDP പദ്ധതി അവസാനിച്ച ശേഷം തുടർന്ന് എന്ത് എന്ന് ആലോചിക്കാൻ കഴിഞ്ഞില്ല. ജനകീയാസൂത്രണത്തിൻ്റെ ഭാഗമാവുകയും അതാകട്ടെ പല വിധ ഭരണ താൽപര്യങ്ങളാൽ ജനകീയമാകാതിരിക്കുകയും ചെയ്തപ്പോൾ പരിഷത്തിന് പരിപാടി ഉണ്ടായില്ല)

2. മറ്റു പ്രവർത്തനമേഖലകളിലേക്ക് പ്രർത്തകർ ശ്രദ്ധ കേന്ദ്രീകരിക്കുന്നതിന് നിർബന്ധിതമാകുമ്പോൾ ആ വിടവ് പരിഹരിക്കാനുള്ള പുതിയ ടീമിൻ്റെ അഭാവം

3. യൂണിറ്റ് തല പ്രവർത്തനങ്ങൾ കുറയുകയും മുകളിൽ നിന്ന് നിർദ്ദേശിക്കുന്നവ മാത്രം നടപ്പിലാക്കുകയും ചെയ്യുന്ന രീതി

4. ജനങ്ങളിലേക്കിറങ്ങിയുള്ള പ്രവർത്തനങ്ങളുടെ അഭാവം

5. പരിപാടികൾ ആസൂത്രണം ചെയ്യുമ്പോൾ നിർവഹണ വിശദാംശങ്ങൾ തീരുമാനിക്കുന്നില്ല. ഉദാഹരണമായി 2018ലെ മെഴുവേലി യൂണിറ്റ് വാർഷികത്തിൽ മഴവെള്ള സംഭരണം, കിണർ റീചാർജിംഗ് എന്നിവ പരിഷത്തിൻ്റെ നേതൃത്വത്തിൽ പ്രാദേശികമായി നടത്തണം എന്നു തീരുമാനിച്ചു. എന്നാൽ ചുമതല നൽകുകയോ തുടർ പ്രവർത്തന ചിന്തയുണ്ടാവുകയോ ഉണ്ടായില്ല. റിപ്പോർട്ടു വർഷം യൂണിറ്റിന് തനതായ പ്രവർത്തനം നടത്താൻ കഴിഞ്ഞില്ല എന്ന സ്വയംവിമർശനാത്മക റിപ്പോർട്ടായിരുന്നു യൂണിറ്റ് സെക്രട്ടറി അവതരിപ്പിച്ചത്. യുവാക്കളുടെ പ്രാതിനിധ്യം യൂണിറ്റിൽ കൂട്ടണമെന്ന് നിർദേശം വന്നെങ്കിലും അതും നടപ്പിലായില്ല

' ഇങ്ങനെ പരിമിതികൾ ഉണ്ടെങ്കിലും ആവേശപ്പെടുത്തുന്ന പരിപാടികൾ ഉണ്ടായാൽ അത് എറ്റെടുക്കാൻ കഴിയുന്ന ടീം ഉപ്പോഴും മെഴുവേലി പഞ്ചായത്തിൽ ഉണ്ട്.

തനതു പരിപാടികൾ ആവിഷ്കരിക്കാൻ കഴിയുന്നത്ര ആശയ വ്യക്തതയുള്ളവരുണ്ട് ഒന്നിച്ച് ആലോചിച്ചാൽ മെഴുവേലിയിൽ പരിഷത്തിൻ്റെ ദൃശ്യത കൂടും

5. വജ്രജൂബിലി വർഷത്തിൽ യൂണിറ്റ് സംഗമം

മെഴുവേലി, ഉള്ളന്നൂർ യൂണിറ്റുകൾ സംയുക്തമായാണ് നടത്തിയത്. യൂണിറ്റ് ചരിത്രവും ഭാവി പ്രവർത്തനങ്ങളും ചർച്ച ചെയ്തു

ഏറ്റെടുത്ത പ്രവർത്തനങ്ങളിൽ ഒന്ന് യൂണിറ്റിൽ സയൻസ് സെൻറർ ആരംഭിക്കുക എന്നതാണ്. അതിനുള്ള പ്രാരംഭ പ്രവർത്തനങ്ങൾ ആരംഭിച്ചു കഴിഞ്ഞു. പത്തനംതിട്ട ജില്ലയിലെ ആദ്യത്തെ സയൻസ് സെൻ്റർ ഉള്ളന്നൂരിൽ നവംബർ മാസം നിലവിൽ വരും

ജീമോൻ പി എസ്, സുജ ടീച്ചർ, കെ സുരേഷ്കുമാർ എന്നിവരുടെ നേതൃത്വത്തിലുള്ള വിദ്യാഭ്യാസ വിഷയ സമിതി സജീവമാണ്. വിദ്യാഭ്യാസ രംഗത്ത് മാതൃക സൃഷ്ടിക്കാൻ ഈ സമിതിക്കാകും

വജ്രജൂബിലി വർഷത്തിൽ കൂടുതൽ കട്ടായ പ്രവർത്തനം നടത്താൻ നാളിതുവരെയുള്ള അനുഭവങ്ങളെ അടിത്തറയാക്കാനാണ് മെഴുവേലി പഞ്ചായത്തിലെ പരിഷത്ത് പ്രവർത്തകർ ശ്രദ്ധിക്കുന്നത്