പുത്തനിന്ത്യ പണിയുവാൻ ശാസ്ത്ര ബോധം വളരണം - കോഴിക്കോട് മേഖല

മേഖല പദയാത്ര

ഗ്രാമശാസ്ത്ര ജാഥ -ഡിസംബർ 8 ന് ഗ്രാമശാസ്ത്രജാഥ ഉദ്ഘാടനം മണ്ണൂർ വളവിൽ നടന്നു. കടലുണ്ടി ഗ്രാമപഞ്ചായത്ത് പ്രസിഡണ്ട് അനുഷ.വി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡണ്ട് ടി കെ ശൈലജ ടീച്ചർ അധ്യക്ഷത വഹിച്ചു. പരിഷത്ത് മുൻ സംസ്ഥാന പ്രസിഡണ്ടും കേന്ദ്ര നിർവ്വാഹക സമിതി അംഗവുമായ പ്രൊഫ. ടി.പി. കുഞ്ഞിക്കണ്ണൻ മുഖ്യപ്രഭാഷണം നടത്തി. തുടർന്ന് ചോദ്യം എന്ന ലഘുനാടകം അവതരിപ്പിച്ചു. ജില്ലാ ബാലവേദി കൺവീനർ എ.സുരേഷിൻറെ നേതൃത്വത്തിൽ പ്രശസ്ത നാടകനടൻ മധു പന്തീരങ്കാവും കുന്നത്തുപാലം യൂനിറ്റിലെ പ്രവർത്തകരായ ബബിജ പ്രമോദ്, രജീഷ്.സി, അഭിനന്ദ്.ടി ബാലവേദി കൂട്ടുകാരായ കൃഷ്ണതീർത്ഥ, ശിവനന്ദ എന്നിവരാണ് നാടകം അവതരിപ്പിച്ചത്. ഉദ്ഘാടന പരിപാടിയിൽ മികച്ച പങ്കാളിത്തം ഉണ്ടായിരുന്നു. പരിപാടിയ്ക്കിടെ മഴ പെയ്തത് ചില പ്രയാസങ്ങൾ ഉണ്ടാക്കി.

മാണൂർ വളപ്പിൽ നിർവാഹക സമിതി അംഗം ടി.പി കുഞ്ഞിക്കണ്ണൻ മാസ്റ്റർ സംസാരിക്കുന്നു

മണ്ണൂർ വളവ് കേന്ദ്രത്തിലെ സദസ്സ്

ഗ്രാമശാസ്ത്ര ജാഥ രണ്ടാം ദിനം

ഡിസംബർ 9 ന് ഗ്രാമശാസ്ത്ര ജാഥ പര്യടനം രാവിലെ 10 മണിക്ക് നല്ലൂരങ്ങാടിയിൽ ആദ്യ സ്വീകരണത്തോടെ ആരംഭിച്ചു. പ്രസംഗത്തിനും നാടക അവതരണത്തിനു ശേഷം  പെരുമുഖം, രാമനാട്ടുകര, ഫാറൂഖ് കോളേജ്, കേന്ദ്രങ്ങളിലെ സ്വീകരണത്തിനു ശേഷം ജാഥ പരുത്തിപാറയിൽ സമാപിച്ചു. സമാപന പരിപാടിയിൽ പരിഷത്ത് മുൻ സംസ്ഥാന പ്രസിഡണ്ട് കെ.ടി.രാധാകൃഷ്ണൻ മാസ്റ്റർ മുഖ്യപ്രഭാഷണം നടത്തി. ജാഥയിൽ തുടക്കത്തിൽ 40 ഓളം പേരും സമാപനവേളയിൽ 30 പേരുമുണ്ടായിരുന്നു. പ്ലക്കാർഡുകളും കൊടികളും മുതിർന്ന പ്രവർത്തകൻ ശ്രീ.മോഹൻദാസ്കരംഛന്ദ് ആലപിച്ച മുദ്രാഗീതങ്ങളുമായി  ആകർഷകവും ആവേശകരവുമായ ഒരനുഭവമാക്കി  ഗ്രാമശാസ്ത്ര ജാഥയുടെ ആദ്യദിന പര്യടനത്തെ മാറ്റുവാൻ നമുക്കായി എന്നത് അഭിമാനകരമാണ്. നമുക്ക് യൂനിറ്റുകളില്ലാത്ത സ്വീകരണ കേന്ദ്രങ്ങളിലുൾപ്പെടെ മികച്ച പങ്കാളിത്തത്തോടെയുള്ള സ്വീകരണങ്ങൾ ജാഥക്ക് ലഭിച്ചുവെന്നതും ശ്രദ്ധേയമാണ്. സി പി ഐ സംസ്ഥാന സെക്രട്ടറിയും പരിഷത്തിനെ എക്കാലത്തും ശക്തമായി പിന്തുണച്ച മുതിർന്ന രാഷ്ട്രീയ നേതാവുമായിരുന്ന സഖാവ് കാനം രാജേന്ദ്രൻറെ വേർപാടിൽ അനുശോചിച്ചു കൊണ്ട് ഡിസംബർ 10 ആം തിയ്യതിയിലെ  ഗ്രാമശാസ്ത്ര ജാഥ പര്യടനം മാറ്റിവെക്കുകയും ഡിസംബർ 24 ന് വാഹന ജാഥയായി നടത്തുകയും ചെയ്തു.

രണ്ടാം ദിവസത്തെ സമാപന പരിപാടിയിൽ പരിഷത്ത് മുൻ സംസ്ഥാന പ്രസിഡണ്ട് കെ.ടി.രാധാകൃഷ്ണൻ മാസ്റ്റർ മുഖ്യപ്രഭാഷണം നടത്തുന്നു

വിവിധ സ്വീകരണ കേന്ദ്രങ്ങളിൽ അവതരിപ്പിച്ച കലാജാഥയിൽ നിന്ന്

ഗ്രാമശാസ്ത്ര വാഹന ജാഥ

ഡിസംബർ 24 ന് രാവിലെ 9.30 ന് പന്തീരങ്കാവിൽ നിന്നും തുടങ്ങി, ചെറുവണ്ണൂർ മധുരബസാർ, കൊളത്തറ, കൊടിനാട്ടുമുക്ക്എന്നിവിടങ്ങളിലെ പര്യടനത്തിനു ശേഷം വൈകീട്ട് 5 മണിക്ക് ജാഥ ബേപ്പൂർ ഗവ.ഹയർ സെക്കന്ററി സ്കൂളിലെ സ്വീകരണത്തോടെ സമാപിച്ചു. സമാപന സമ്മേളനം കോർപ്പറേഷൻ കൗൺസിലർ എം.ഗിരിജ ടീച്ചർ   ഉദ്ഘാടനം ചെയ്തു. ജില്ലാ ക്യാമ്പയിൻ കമ്മറ്റി കൺവീനർ ശ്രീ.വി.കെ.ചന്ദ്രൻ മാസ്റ്റർ മുഖ്യപ്രഭാഷണം നടത്തി. ജില്ലാ സെക്രട്ടറി പി എം വിനോദ്കുമാർ ലഘുലേഖ കിറ്റുകൾ വിതരണം ചെയ്തു. പി.എൻ.പ്രകാശൻ അദ്ധ്യക്ഷത വഹിച്ചു. പി.വിജയകൃഷ്ണൻ സ്വാഗതം പറഞ്ഞു. പന്തീരങ്കാവ് ഒഴികെ മുഴുവൻ കേന്ദ്രങ്ങളിലും നാടകാവതരണവും നടത്തി. രണ്ടു ദിവസങ്ങളിലായി നടന്ന ജാഥ പര്യടനങ്ങളിലെ വിവിധ സ്വീകരണ കേന്ദ്രങ്ങളിൽ ജില്ലാ ജോ.സെക്രട്ടറി ഹരീഷ്ഹർഷ, ജാഥ ക്യാപ്റ്റൻമാരായ എസ്.പത്മജ, പി.എൻ.പ്രകാശൻ, കെ.ബാലാജി, വേലായുധൻ പന്തീരങ്കാവ്, തുടങ്ങിയവർ സംസാരിച്ചു. പി.എൻ. പ്രേമരാജൻ, മോഹൻദാസ് കരംഛന്ദ്, സുപ്രിയ.സി, അഖിലേഷ്.യു, ഗിരീഷ് കുമാർ, സജിത്ത്.എം തുടങ്ങിയവർ നേതൃത്വം നൽകി. ജാഥ സ്വീകരണങ്ങൾ വിജയിപ്പിക്കുന്നതിനായി എല്ലാ സ്വീകരണ കേന്ദ്രങ്ങളിലും സ്വാഗതസംഘം രൂപീകരിച്ചിരുന്നു.

ബേപ്പൂർ ഹൈസ്കൂളിൽ നടന്ന സമാപന പരിപാടി ഉൽഘാടനം - കൗൺസിലർ ശ്രീമതി. ഗിരിജ ടീച്ചർ

ചെറുവണ്ണൂരിൽ ജില്ലാ കമ്മറ്റി അംഗം ബാലാജി സംസാരിക്കുന്നു