"തൊടുപുഴ യൂണിറ്റ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇടുക്കി ജില്ലയിൽ 1972 കളോടെയാണ് പരിഷത്ത് പ്രവർത്തനങ്ങൾക്ക് തുടക്കം കുറിക്കുന്നത്.ആദ്യ യൂണിറ്റ് വാഴത്തോപ്പിലാണ് രൂപീകരിക്കുന്നത്. KSEB ജീവനക്കാരെ കേന്ദ്രീകരിച്ചാണ് ഒരു യൂണിറ്റ് പ്രവർത്തനമാരംഭിക്കുന്നത്. സൈലൻ്റ് വാലി വിവാദത്തോടെ ഈ യൂണിറ്റ് നിശ്ചലമായി.പിന്നീട് 1975 ൽ മൂലമറ്റം കേന്ദ്രമാക്കി KSEB എഞ്ചിനിയേഴ്സ് ,T NK കുറുപ്പ്, N. R. ബാലകൃഷ്ണൻ, തുടങ്ങിയവർ മുൻകൈയ്യെടുത്ത് യൂണിറ്റ് രൂപീകരിച്ചു.തുടർന്ന് തൊടുപുഴയിൽ അഡ്വ: എൻ.ചന്ദ്രൻ, അഡ്വ: ഇ.എ റഹിം, എം പി.സുകുമാരൻ, കെ.ശിവരാമൻ, കെ.വി.മാത്യു, എ.എസ്.ജബ്ബാർ ക്കുട്ടി, തുടങ്ങിയവരുടെ കൂട്ടായ്മയിൽ യൂണിറ്റ് രൂപീകരിച്ചു പ്രവർത്തനമാരംഭിച്ചു.1976 മെയ് മാസത്തിൽ രണ്ടാമത്തെ പ്രവർത്തക ക്യാമ്പ് വാഴത്തോപ്പിൽ വച്ചു നടന്നു.1979 ഫെബ്രുവരി 10, 11 തിയതികളിലായി പതിനാറാം സംസ്ഥാന സമ്മേളനം ഏറ്റെടുത്ത് നടത്തുകയുണ്ടായി. ഇതര സംഘടനകളുമായിട്ടുള്ള ബന്ധം ശക്തിപ്പെടുത്തുന്നതിനും സംഘടനാ വ്യാപനത്തിനും സമ്മേളനം സഹായകമായി. പരിഷദ് ബുക്ക്സ്റ്റാൾ തൊടുപുഴയിൽ ആരംഭിച്ചു.