പരിഷത്ത് 49-ാം വാർഷികം

കേരള ശാസ്ത്രസാഹിത്യ പരിഷത്ത് 49-ാം വാർഷികം തിരുവനന്തപുരം മണക്കാട് ഗവ. ഗേൾസ് ഹൈസ്കൂളിൽ നടക്കും. വിവിധ ജില്ലകളിലെ ജില്ലാവാർഷികങ്ങളിൽ നിന്നും തെരഞ്ഞെടുക്കപ്പെട്ടവരും പ്രത്യേകം ക്ഷണിതാക്കളുമായ 500 - ൽ പരം പ്രതിനിധികളാണ് 2012 മെയ് 11 മുതൽ 13 വരെ നടക്കുന്ന ഈ സമ്മേളനത്തിൽ പങ്കെടുക്കുന്നത്. കേരള ശാസ്ത്രസാഹിത്യ പരിഷത്തിന്റെ പോയവർഷത്തെ പ്രവർത്തനങ്ങളും കേരള ശാസ്ത്ര- സാമൂഹ്യ രംഗത്തെ വികാസ പരിണാമങ്ങളും വിശകലനം ചെയ്യുകയും ഭാവിപരിപാടികൾ ആലോചിക്കുകയുമാണ് ഈ വാർഷികത്തിന്റെ ഉദ്ദേശം.